Wednesday, February 20, 2008
رباعيات
فى يوم بعيد كان للحب زهره
دار الزمن دبلت وصبحت صفرا
وبتسأل ايه اللى جرى فى الدنيا
لما يموت الحب يجرى ما يجرى
*****************
اسمع ما تسأل حق ولا حدوتة
عن قلب نسمه ربيع لأحلى بنوتة
حبت ولد رفرف جناح الهوى
مرت سنين ولسه بحبه مربوطة
*******************
عالبحرسارح من الحياة مليت
الموج حدفلى قمقم وفيه عفريت
قالى شبيك لبيك تطلب ايه ؟؟
ضحكت بسخريه وسبته ومشيت
***************
ياللى واخدك غرورك والدنيا فانية
مش دايمه ليك والله ماهى دايمة
حب الناس فى عين الناس تزيد
دى السبعه لمى تنحنى تصبح تمانية
**************
صدق اللى قال بلا هم
وان كان جرح مسيره يتلم
دمعة فى عز الفرح ترويه
ضحكه فى عز الحزن يتسم
دار الزمن دبلت وصبحت صفرا
وبتسأل ايه اللى جرى فى الدنيا
لما يموت الحب يجرى ما يجرى
*****************
اسمع ما تسأل حق ولا حدوتة
عن قلب نسمه ربيع لأحلى بنوتة
حبت ولد رفرف جناح الهوى
مرت سنين ولسه بحبه مربوطة
*******************
عالبحرسارح من الحياة مليت
الموج حدفلى قمقم وفيه عفريت
قالى شبيك لبيك تطلب ايه ؟؟
ضحكت بسخريه وسبته ومشيت
***************
ياللى واخدك غرورك والدنيا فانية
مش دايمه ليك والله ماهى دايمة
حب الناس فى عين الناس تزيد
دى السبعه لمى تنحنى تصبح تمانية
**************
صدق اللى قال بلا هم
وان كان جرح مسيره يتلم
دمعة فى عز الفرح ترويه
ضحكه فى عز الحزن يتسم
posted by استراحة محمد at 6:11 AM
1 Comments:
طبعا انت عارف رأيي في رباعياتك انها جامده .. من ناحية الموسيقى اللي بين الكلام و من ناحية الألفاظ مستواها عالي جدا .. و كمان من ناحية عمق المعنى , لكن في الرباعية التانية محستش عمق المعنى أوي , يعني لقيت نفسي بقول "طيب و بعدين يعني " ؟؟ و ده معناه حاجه من اتنين يا اما انا غبي و مش قادر افهم اللي انت عايز توصله .. يا اما ده كان احساس و انت طلعته بغض النظر عن المعنى ,,طبعا مقدرش أسمع الرباعية قبل الأخيره من غير ما أقولك انها عبقرية و من أحلى ما سمعت
عموما ربنا يوفقك .. انت عندك حاجه مميزة .. و أفكارك حلوه ,
Post a Comment
<< Home