Monday, March 15, 2010
كلمة للتاريخ
عالم الحيوان وسينما الاطفال والشيخ الشعراوى بعد الصلاة ونادى السينما والعالم يغنى وتاكسى السهرة وغيرها وغيرها
الحاجات دى بقت فجأة حاجات قديمة برغم انها واقعيا ما مرش عليها كتير
كأننا كنا فى عالم تانى خاااااااااااااااالص
المهم اللى عاوز اقوله ان احنا اخر جيل شاف كل حاجة مع بعضه وله حاجات مشتركة فعلا
دلوقتى مع كتر الفضائيات والانترنت وعالم الخيال العلمى اللى احنا عايشين فيه ، اصبحت الاجيال الجديدة متفرقة الانتمائات
يعنى مثلا زمان كنا كلنا بنسمع العلم والايمان كبار وصغيرين وكلنا كنا بنسمع توم وجيرى كبار وصغيرين
لكن دلوقتى ليه الطفل يسمع العلم والايمان - لو اتعرض - وهو ممكن يجيب سبيس تون
ليه اسمع الشيخ الشعراوى وانا ممكن اجيب ميلودى
ليه اسمع المسلسل وانا ممكن اجيب قناة الناس
ليه اشوف التلفزيون اساسا وانا ممكن اخش عالنت
اراهنك لو لقيت فى زماننا اليوم الولاد فى شارعك فى اى حتة فى مصر بيلعبوا كورة ساعة العصرية والبنات فى ركن تانى بيلعبوا فتحى يا وردة
بمناسبة فتحى يا وردة ، حد عاقل يقولى يا جدعان ما هو الهدف من تلك اللعبة ومتى تنتهى
posted by استراحة محمد at 10:20 AM
2 Comments:
نعم أصبت في كل ما قلت
كثيرا ما اشفق على إخواتي الصغار, بل واثور عليهم حين اراهم يفعلون ما يفعلون واسالهم إن كانوا سيقضون جل اوقاتهم أمام الكمبيوتر أو في الـ"بلاي ستاشن" فأي ذكريات سيملكون ليسردوها أو حتى ليسترجعوها حين يكبون؟ اظنها لن تتعدى بعض الذكريات عن أن أحدهم سبق الآخر في الوصول إلى "level"
معين في لعبة ما..فقط ليس أكثر..
اما عن
بمناسبة فتحى يا وردة ، حد عاقل يقولى يا جدعان ما هو الهدف من تلك اللعبة ومتى تنتهى
ربما الفائدة الوحيدة هي أنك بعد سنوات تستعيد ذكرياتك معها لتكتشف كم كانت طفولتك سعيدة وكم كنت محظوظا
تحياتي
هموت من الضحك و الله
اللعبة دي علمتني التأمل و انا صغير
كنت ديما اتفرج و اقول يا اما العالم دي مجانين يا اما حد معلمهم اللعبة غلط
اما عن الموضوع الاساسي انا معاك طبعا ان الوضع اختلف كتير و معتش فيه حاجه واحده بتجمع الكل هتبقى زكرى مشتركة او حاجه بتميز الجيل
بس انا ممكن اكون مختلف معاك و مع محاولة لكسر الصمت ان كل جيل بغض النظر عن الحاجات اللي بيمارسها او بيشوفها او او .. في النهاية اكيد هتلاقي حاجه لما يكبروا يفتكروها و هتبقى بالنسبالهم زكريات جميلة جدا
فعلا ممكن تبقى لعبة بلاي ستيشن أو موقع عالنت
و طالما ده شيء طبيعي بالنسبالهم أكيد هيبقى زكرى جميله هتجمعهم لما يكبروا
احنا بس اللي مستغربينه لاننا مكناش كده
من الاخر الموضوع اختلاف ثقافات ما بين الأجيال !
Post a Comment
<< Home