Tuesday, July 15, 2008
واجب وجب حله
الواجب ده جالى من صديقتي اسماء صاحبة مدونة ( كلام وخلاص ) ، وانا بشكر الدكتورة اسماء على اهتمامها وبقولها ثانك يو فيرى ماتش
نخش بقى على الواجب واللى عبارة عن انى أقول ست حاجات عن نفسي ماحدش هيكتشفها لو قابلنى للمرة الأولى
بسم الله الهادى المعين ، نبدأ نجاوب
اولا مش هيعرف انى بحب القراية والكتابة لأنى ما بجبش سيرة حبى للأتنين دول غير مع حد بيحبهم هو كمان ، وببقى فرحان قوى انى لقيت حد بيحب القراية زيى ، لأنى هقدر اتناقش معاه وافيده واستفيد
ثانيا مش هيعرف انى نفسى فى يوم من الأيام يكون عندى استديو تصوير مجهز ، اشتغل فيه فى وقت فراغى ، اصل انا بعشق التصوير جدا ، وفرحتى لما باخد صورة حلوة بتبقى نفس فرحتى لما بكتب موضوع يعجبنى
ثالثا مش هيعرف انى ببص فى عنيه دلوقتى عشان اكتشف شخصيته واكون معلومات عنه ، واللى على اساسها هحدد علاقتى بيه ، اصل انا مؤمن جدا ان العيون بتفضح كل حاجة مدفونة جوا البنى ادم ، ومن النادر لما تحليلى لعنين حد يطلع غلط
رابعا مش هيعرف انى حافظ القران كله على اساس ان مظهرى مش مدى خالص على واحد متدين ، فصعب ان يجى فى خياله ان انا حافظ القران
خامسا مش هيعرف انى واثق من مستقبلى وانه هيكون كويس جدا ان شاء الله ، لدرجة انى احيانا بقول لنفسى هو انا مغرور ولا ايه وبعدين انا جايب الثقة دى كلها منين
سادسا مش هيعرف انى متقلب جدا لأن اللى ظاهر للناس شخصية مستقرة ما بتتغيرش كتير ، بس الشخصية دى انا عملها زى ستارة وراها تغيرات بالهبل وتقلبات شبه يومية بتحصل
كده ممكن تقولولى كفارة ، انا خلصت الواجب
تمام كده يا ست اسماء ، دبستينى بس ربنا كرمنى وعديت
فاضل بس انى اقول اسماء خمس مدونات ادبسهم فى الواجب ده
ارسم نظرة شريرة ، واضحك ضحكة شرير معروفة من ايام الأبيض واسود واقول هدى الواجب ده لمين
اولا مدونة سمراء
ثانيا مدونة مقتطفات
ثالثا مدونة دواير
رابعا مدونة صباح الخير يا مصر
خامسا مدونة نعكشة
وسلامو عليكو
نخش بقى على الواجب واللى عبارة عن انى أقول ست حاجات عن نفسي ماحدش هيكتشفها لو قابلنى للمرة الأولى
بسم الله الهادى المعين ، نبدأ نجاوب
اولا مش هيعرف انى بحب القراية والكتابة لأنى ما بجبش سيرة حبى للأتنين دول غير مع حد بيحبهم هو كمان ، وببقى فرحان قوى انى لقيت حد بيحب القراية زيى ، لأنى هقدر اتناقش معاه وافيده واستفيد
ثانيا مش هيعرف انى نفسى فى يوم من الأيام يكون عندى استديو تصوير مجهز ، اشتغل فيه فى وقت فراغى ، اصل انا بعشق التصوير جدا ، وفرحتى لما باخد صورة حلوة بتبقى نفس فرحتى لما بكتب موضوع يعجبنى
ثالثا مش هيعرف انى ببص فى عنيه دلوقتى عشان اكتشف شخصيته واكون معلومات عنه ، واللى على اساسها هحدد علاقتى بيه ، اصل انا مؤمن جدا ان العيون بتفضح كل حاجة مدفونة جوا البنى ادم ، ومن النادر لما تحليلى لعنين حد يطلع غلط
رابعا مش هيعرف انى حافظ القران كله على اساس ان مظهرى مش مدى خالص على واحد متدين ، فصعب ان يجى فى خياله ان انا حافظ القران
خامسا مش هيعرف انى واثق من مستقبلى وانه هيكون كويس جدا ان شاء الله ، لدرجة انى احيانا بقول لنفسى هو انا مغرور ولا ايه وبعدين انا جايب الثقة دى كلها منين
سادسا مش هيعرف انى متقلب جدا لأن اللى ظاهر للناس شخصية مستقرة ما بتتغيرش كتير ، بس الشخصية دى انا عملها زى ستارة وراها تغيرات بالهبل وتقلبات شبه يومية بتحصل
كده ممكن تقولولى كفارة ، انا خلصت الواجب
تمام كده يا ست اسماء ، دبستينى بس ربنا كرمنى وعديت
فاضل بس انى اقول اسماء خمس مدونات ادبسهم فى الواجب ده
ارسم نظرة شريرة ، واضحك ضحكة شرير معروفة من ايام الأبيض واسود واقول هدى الواجب ده لمين
اولا مدونة سمراء
ثانيا مدونة مقتطفات
ثالثا مدونة دواير
رابعا مدونة صباح الخير يا مصر
خامسا مدونة نعكشة
وسلامو عليكو
posted by استراحة محمد at 9:43 PM
7 Comments:
u r welcome
تمام كده يا محمد ما شاء الله ربنا يبارك لك فى حفظك للقرآن ويديمها عليك نعمة وان شاء الله يوفقك وتفتح الاستوديو بس ابقى افتكرنا بكام صورة حلوة كده جميل اوى موضوع فهم الانسان من عينه على الرغم من صعوبته مش كل الناس عيونها بالصفاء اللى يخليك تفهمهم منها
واحلى حاجة بجد الثقة بتوفر عليك كتير وبتسهل نص الطريق
سلام
يا بنى انت شايفنى ناقصه تدبيس؟
ادعى عليك اقول ايه بس
طيب ممكن نأجل وليك عندى وعد انى ارد على التاج بتاعك دة
ياااااة يا محمد ميرسى خالص كلك ذوق
هو اسمى مكتوب
طيب
شكرا كتير يامحمد كتر خيرك
بس ده واجب صعب خالص محتاج لتفكير لمدة ييجى عشرين يوم
بس مدام منك هحله مجبرة بس هحتاج لوقت بس اكيد هيكون هو البوست الجديد
تحياتى ليك صديقى العزيز
ليك يوم يا ........
شوف من صدمتنى نسيت اعلق على كلامك اقصد من فرحتى
اولا ربنا يحفظك ويحرسك بسم الله ما شاء الله عليك حافظ القرأن كله وده شىء فى حد ذاته فوق الرائع
وثانيا ربنا يكرمك ويكون عندك استوديو
ثالثا مش فاهمة ازاى بتحدد علاقتك بالشخص من خلا ل عنيه اكيد هتشرحها دى
ثالثا مغرور
رابعا ربنا يوفقك
يااااه مش باين يا راجل بقالك كتير..و بردو لازم اسأل نفس السؤال حد يقولى يا جماعة ليه كل المدونين بيحبوا التصوير او الرسم؟..انا كمان بحب التصوير جدا و ابقى احجزلى شغلانة فى الاستوديو بتاعك ان شاء الله
تحياتى
كلام جامد جدا ومش وخلاص خالص
ربنا يخليكى يا سمسم ، ومتشكرين عالكلمتين الحلوين
واللى عنيه مش صافية بياخد عندى لقب مكار ، وكده يبقى فهمت حاجة برضه
تحياتى دائما
***************************
كناريتى الجميلة
وتدعى عليا ليه هو انا ناقص يا ستى
والتأجيل مسموح بس ما تطوليش لحسان انتى عارفة
وقد اذعر من انعر
تحياتى دائما
***************************
صديقتى الصدوقة سمراء
حلى الواجب وبلاش كسل
ويارب اقبل منها الدعوتين يارب ، وساعتها يبقى ليكى الحلاوة يا بت يا سمراء
تحياتى دائما
**************************
الوردة الجميلة دينا
والله انا ما اعرفش اجابة لسؤال بتاعك .. يمكن عشان ساكنين جنب استديو
ومكانك محجوز ، انتى صاحبة مكان اصلا
تحياتى دائما
اسمحلي اعلق بس علي النقطه الرابعه الي هيا حفظك الكامل للقراءن الكريم ربنا يثبتك ويرزقك العمل بيه
هقول كلمه وتقبلها من بصدر رحب
القران زي مهو ممكن يجي شفيع ليك يوم القيامه ممكن يكون حجه عليك ...
اسفه للحكم عليك ولكن لابد ان يكون حفظك للقران قولا وفعلا ويظهر علي باطنك وخارجك
ياريت تقبل الكلمه بصدر رحب
وثبتك الله علي الحق ورزقنا بحفظ كتابه الكريم
Post a Comment
<< Home