Sunday, April 27, 2008
سمعنا صوتك
فكرت يا جماعة إن إحنا نلعب لعبة سوا كده ، ممكن نستفيد منها كلنا
الفكرة ببساطة إن أنا هختار كلمة وليكن مثلا ( حب ) وكل واحد بيزور مدونتي يكتب في التعليقات تعريفه للكلمة دى الموجود في عقله ، التعريف اللى مقتنع بيه وشايفه انه الأحسن من وجهة نظره
بكده كلنا هنتعرف على أفكار بعض نوعا ما ، وكمان هنستفيد من ادمغة بعض
يعنى كل واحد يمكن يلاقى التعريف اللي في دماغه محتاج تعديل ويستفيد من رأى آخر شايفه أحسن
وأنا هكتب تعريفي للحاجة زيى زيكو في التعليقات ، والموضوع مش انكو تعلقوا على تعريفي ، انتوا تكتبوا تعريفكوا الشخصي ، وبعد كده مسموح بالمناقشة بينا وبين بعض في أرائنا المختلفة
هدى مثال بسيط للتوضيح
مثلا لو اخترت كلمة حب
في واحد ممكن يعرفها كالتالي : تعقيد فلسفي للعلاقة الجنسية لا مبرر له
بتهيألى كده فكرتي وضحت
عاوزين شغل نار ، وعاوزين كلنا نستفيد من بعض
على فكرة أنا مش هحتكر اختيار الكلمة وهتبقى العملية عافية على أساس إن دى مدونتي وأنا حرة فيها
ممكن كل واحد يقترح كلمة تتطرح للنقاش
أتمنى تكون الفكرة وصلت وعجبتكو ، واهى المرادى تجربة ونشوف رد فعلها
جه وقت اختيار الكلمة
امممممممممممممممممم
خلينا مثلا المرادى نختار كلمة
الحرية
خلينا نشوف تعريف كل واحد للكلمة دى ، التعريف اللي طالع من جواه
استراحة محمد ترحب بكم في كوكب افكار
انطلق
الفكرة ببساطة إن أنا هختار كلمة وليكن مثلا ( حب ) وكل واحد بيزور مدونتي يكتب في التعليقات تعريفه للكلمة دى الموجود في عقله ، التعريف اللى مقتنع بيه وشايفه انه الأحسن من وجهة نظره
بكده كلنا هنتعرف على أفكار بعض نوعا ما ، وكمان هنستفيد من ادمغة بعض
يعنى كل واحد يمكن يلاقى التعريف اللي في دماغه محتاج تعديل ويستفيد من رأى آخر شايفه أحسن
وأنا هكتب تعريفي للحاجة زيى زيكو في التعليقات ، والموضوع مش انكو تعلقوا على تعريفي ، انتوا تكتبوا تعريفكوا الشخصي ، وبعد كده مسموح بالمناقشة بينا وبين بعض في أرائنا المختلفة
هدى مثال بسيط للتوضيح
مثلا لو اخترت كلمة حب
في واحد ممكن يعرفها كالتالي : تعقيد فلسفي للعلاقة الجنسية لا مبرر له
بتهيألى كده فكرتي وضحت
عاوزين شغل نار ، وعاوزين كلنا نستفيد من بعض
على فكرة أنا مش هحتكر اختيار الكلمة وهتبقى العملية عافية على أساس إن دى مدونتي وأنا حرة فيها
ممكن كل واحد يقترح كلمة تتطرح للنقاش
أتمنى تكون الفكرة وصلت وعجبتكو ، واهى المرادى تجربة ونشوف رد فعلها
جه وقت اختيار الكلمة
امممممممممممممممممم
خلينا مثلا المرادى نختار كلمة
الحرية
خلينا نشوف تعريف كل واحد للكلمة دى ، التعريف اللي طالع من جواه
استراحة محمد ترحب بكم في كوكب افكار
انطلق
posted by استراحة محمد at 10:37 AM
24 Comments:
الحرية
احلى حاجة في الوجود
بس لو ماكانش فيها حرج للآخرين
ياه لعبه جميله جداً
الحــــــــــــــريه
الحريه دى معناها بالنسبه لى حاجات كتير
معناها إنى أتصرف براحتى
ومستناش حد يحاسبنى
غير ربنا
معناها الثقه اللى إهلى بيدوهالى
واللى مش بحاول أخونها
معناها إنى أشيل الناس من حساباتى
وأعيش أنا وضميرى بمزاجنا
طالما الضمير صاحى لسه
الحرية : أن تحكم نفسك بالعدل
الحرية اني اقدر اعمل اللي اناعايزه في الوقت اللي عايزة في المكان اللي عايزه بالطريقة اللي اناعايزها من غير حد مايتحكم فيا طالما ان الشيئ دة صح ومش حرام
الحرية هي النفس اللي بنتنفسه
هي احلي شيء في الدنيا
بس لو نفهما صح وحدود حريتي لا تتعدي حدود حرية غيري
الحريه بكل بساطه هي انك تعمل كل اللي انت عايزه في اطار عدم التجريح لنفسك ولغيرك
تعريف اخر
الحريه : هي اي شيء بعيد عن الواقع المصري
الحريه
اطار بيبروز رغبتنا فى فعل ما نريدة بدون محاسبه الاخرين
او تدخلهم فى اختيارنا
بص يا ابو حميد
الحرية بتعرفها هي انتفاء القيد عن كافة الممارسات والسلوكيات
لكن في نوعين من الحرية
الحرية بمفهومها السلبي free from
يعني عدم وجود اي قيود علي الشخص لممارسة حقوقه
لكن لو وقفنا لحد كده تبقي مش حرية
لان الحرية بمعناها الايجابي free to
هي تشمل المفهوم الحرية السلبي بالاضافة الي القدرة
يعني مثلا لما يكون عندي الحرية للذهاب الي اي مكان اريده وليس لدي اي وسيلة مواصلات او اني قعيد مثلا فهذا يتساوي مع عدم الحرية
اتمني ان اكون افدتك واستفدت انا كمان وحلوة الفكرة دي
العجوز
الحريه يعنى تبقى مسؤول
تقدر تغير اللى حواليك للاحسن
الحريه يعنى تبقى ثقه
الحرية
هي
حرية
اعتقد ان الحريه ان تضع لنفسك حدود
ولا تنتظر ان يحيطك الاخرون بقيود
فكرتك حلوه اوى وياريت لو كام بوست من ده
او حتى مدونه خاصه للعبه الجد دى
تحياتى
فكرة حلوة
الحرية الحقيقية هى ان تحتمل ابداء كل راى ونشر كل مذهب وترويج كل فكر كما قال قاسم امين
واضيف عليها علينا الا نؤمن الا بما يتناسب مع عاداتنا وتقاليدنا ومنبت الثقافة التى تعلمنا وتربينا عليها يجب ان يكون الانسان صاحب فكر
ومبادىء لايبتعد عنها ويتخلى عنها امام اقوى الاعاصير والتيارات لكن يجب ترك مجال للاستماع الى افكار وارء الاخرين
فهما كانت بعيدة عننا ا لكنها فرصة لكى نتعلم ونعرف كيف يفكر الاخرين
نأخذ من افكارهم ما يتماشى معنا ويكمل مو نؤمن من
افكار
االحرية هى متى استطعت ان اختار فأنا حرة شرط ألا تتعارض مع دينى وضميرى والعقل ولا تضر بالاخرين
محمد لسه ما كتبت رأيك ولا ناوى تطنش كعادتك
السلام عليكم
تحياتى لك
السلام عليكم ورحمة الله وبركاته
محمد**
صاحب الاستراحة**
كده يامحمد اول اختيار يكون بالصعوبة دى؟حرية ؟مره واحده!!
اقولك ايه مثلا
مسألة نسبية
فمااراه انا حرية قد يراه غيرى انطلاق زائد
لها معانى واشكال كثيره
يجب الا تكون على حساب الاخرين
ويكفى هذا اليوم يامحمد.
ودمت بخير
norahaty
الحرية تنقسم الى قسمين ، حرية كاملة لا توجد الا فى الخيال
وحرية جزئية تطبقها فى الواقع ، وتختلف من شخص لاخر بمدى القدرة والارادة على تحويل الخيال لواقع
اولا دي فكره جميله جدا :))
وطبعا مش جديد عليك
المهم ندخل في الموضوع
اقولك يا سيدي ايه بقي الحريه
عارف لما بتشوف عصفوره طايره في السما
ونفسك يكون عندك جناحين زيها وتطير لبعيد ؟
عارف انت نفسك تبقي زيها ليه ؟
عشان نفسك تبقي حر ... تفرد جناحينك وتروح لاي مكان في اي وقت ، تاكل لما تجوع وتشرب لما تعطش ، تبني عشك لما تحس بالبرد ، وتنام لما الشمس تغرب وتصحى بعد اذان الفجر
كل ده لوحده وانت حر ومفيش حد بيقولك تعمل ايه
هيا دي الحريه اللي بنحسد عشانها العصافير وغيرها من المخلوقات الحره بجد
وعشان كده بنحاول نسلبها احلى حاجه فيها ، وبنحبس العصافير دي فقفص علشان منحسدهاش علي (الحريه)
الحب ... حلو بس ممكن ينتهي لأنه محتاج رعاية وأهتمام
الحرية ... حريتي تنتهي عندما تمس حرية الآخرين
حلوة يامحمد اللعبة دي
الحرية.....هي كلمة أكبر وأقدس من أن توصف في بضع كلمات....لكني أعتقد أنها هي أن تعيش وذاتك ملك لك لا لغيرك....
على فكرة اللعبة حلوة جدا
والله يا محمد هى لعبة جامدة اوى بس كلمه حرية يعنى حرية لكن انا الحرية بالنسبالى انى اروح الشغل لما اصحى من النوم مش اقوم من النوم عشان اروح الشغل..منالاخر الحرية يعنى يبقى مفيش مواعيد اصلى انا عايش برة مصر والمواعيد هنا مخليانى مش طايق نفسى
تحياتى
الحريه هيه الحاجه اللى نفسى فيها و صعب تحقيقها فلا توجد حريه مطلقه انما تتوقف عندما تبدأ حريات الاخرين و اديما فيه اخرين كتير موقفين حريتى
الحرية ان تفعل ما تريد وقت ما تشاء
دون ضرر لااخرين
وان تكون حرية لايحرمها شرع وقانون
تحياتى
الحريه كلمه جميله قوى ميقدرهاش الا الشعب المصرى
ااصدى ميقدرهاش الا اللى اتحرم منها
الحريه تشمل معانى كتير قوى
وهى مرادفه للحق
الحق ف الحياه ده حريه
الحق فى الحفاظ على الكرامه دى حريه
الحق فى قول الحق دى حريه
الحق ف الحصول على اقل حق ليه كأنسان دى حريه
الحق ف الوصول الى المناصب بالمجهود لا بالواسطه دى حريه
الحق ف التعليم الجيد ده حريه
الحق ف انى لما اتوجع اقول اه ه ه ولاقى حد يسمعنى ويطبطب عليا مش يقدى عليا
دى حريه
حق الاخرين ف انى احترم عقولهم ومقولش عليهم متخلفين دى حريه
حقى ف انى اعرف انا باكل ايه ميتضحكش عليا دى حريه
صدقنى يا محمد الحريات كتير
بس احنا اللى منعرفهاش لاننا مجربنهاش
ومعتقدش ان هييجى اليوم ونجربها
بس الامل ف ربنا كبير احييك
Post a Comment
<< Home