Friday, April 18, 2008
اسأل نفسى
اسأل نفسى ...
لو عشت في جزيرة وحيدا ، ليس هناك من بشر سواى
هل ستكون عاداتى كما هى الان ، ام ان الأمر سيختلف
هل كل عاداتى خارجة من داخلى ، ام هناك ما هو من اجل البشر والتعايش معهم
اسأل نفسى ...
عندما اقول انى لا استطيع ان احصى الشرور داخلى ، هل هذا يعنى انى شيطان وليس كل الناس مثلى ؟؟
وعندما اقول انى لا استطيع ان احصى الاشياء الصالحة داخلى ، هل هذا يعنى انى مغرور وليس كل الناس في غرورى ؟؟
اسأل نفسى ...
عندما لا اجد اجابات لأشياء معينة فعلتها ، كأن فجأة اقف مع نفسى لحظة متأملا واسأل نفسى لماذا فعلت الشىء الفلانى ، ولا اجد اجابة ، وفى نفس الوقت كنت في كامل ارادتى اثناء فعله
فماذا يعنى ذلك ؟؟
اسـأل نفسى ...
لو كل انسان انكشفت اسراره امام باقى الخلق ، ماذا ستصبح الدنيا وقتها
هل كان سيقدر احدا يوما ان يقف قائلا : دعونى اعظكم ايها الناس
اسأل نفسى ...
هل كل كلمة كتبت من اجلى في المدونة كانت نابعة حقا من داخل صاحبها ام كانت تعبيرا روتينيا بدون احساس داخله
عندما يقول احدهم مدونتك رائعة ، هل يعنيها حقا ، ام قالها بالاوعى وحسب العادة
اسأل نفسى ...
هل كل الأسئلة الفائتة وضعتنى في مأزق مع ذاتى ؟؟
فالاجابة تخلق مجهولا اقوى من مجهول السؤال
posted by استراحة محمد at 4:35 PM
12 Comments:
اسـأل نفسى ...
لو كل انسان انكشفت اسراره امام باقى الخلق ، ماذا ستصبح الدنيا وقتها
هل كان سيقدر احدا يوما ان يقف قائلا : دعونى اعظكم ايها الناس
------------------------------
جميل اوي كلامك بجد وجه عالجرح فعلا
وبجد مش مجامله موضوع جميل في مدونه جميله :)
الاول واضح انك بتقعد تفكر كتير وتتأمل كتير ابشر قريب هتتجنن
شوف يا محمد لو احنا لقينا اجابة عن كل تساؤلاتنا وعرفناها وظنينا ان ده هيريحنا يبقى بنحلم لاننا مش هنرتاح فى كل الاحوال عشان هنلاقى اسألة تانى نسألها لنفسنا وهنحتاج نعرفها ده غير ان بعض الاجابة عن اسألتنا هتخلى حالتنا تسوء اكتر صدقنى المعرفة احيانا صعبة
بس برغم كده هشاركك فى افكارك ويمكن نوصل لأجابة لان فى اسئلة عندك انا كمان بسألها لنفسى
س1 هو لو عشت فى جزيزة عاداتك هتتغير
ج 1طبعا هتتغير لان احنا بنأثر ونتأثر باللى حولينا وبنعمل حاجات كتير عشان نرضيهم
ومش معناها اننا بنعمل الحاجات دى يبقى مش راضيين عنهااو هى غلط بالعكس ممكن تكون بكامل ارادتنا بس لو جاتنا الفرصة فى اعادة النظر فى اللى بنعمله من غير ما يكون تأثير من اللى حولينا يمكن نعمله ويمكن لا وعلى فكرة لو عشت فى جزيرة لوحدك برضه هتتجنن
س2السؤال طويل ندخل فى الاجابة على طول اصلا الموضوع طويل وكل نقطة تستحق تكون موضوع لوحده
ج2 مش معنى ان الواحد لما يكون فى شرور كتير مش عارف يحصيها انه شيطان لانك مش مطلع على اسرار الخلق ومعندكش معرفة بيها وبالتالى هيكون فى ناس شريرة اكتر منك ونفس الشىء مع الخير بصراحة الانسان معقد مقعد معقد وصعب تشرحه
انا كتبت كلام كتير ده مبقاش تعليق هرجع اعلق بعدين على باقى النقط
بس فى حاجة اوضحها أنى لما بكتبلك تعليق مش بيكون روتين او مجاملة لانى معرفكش معرفة شخصية وبالتالى كلامك هو اللى بيجبرنى انى اكتب ولما بقولك مدونتك رائعة بقولها عن قناعة ولما اقولك انت عبقرى فانت تستحق ده عارف انى بسأل نفسى نفس السؤال
ده بخصوصى بخصوص العالم هما بقى يقولو
كلامهم ليك مجاملة او لا
دكتور ليكوريكا
منور استراحتى يا كبير
متشكر جدا عى كلامك الجميل اللى قلته ، وان شاء الله ما تكنش اخر زيارة ليك هنا
منورنى دايما
صديقتى الودودة سمراء
انا هستنى لما تكملى كلامك ونعلق كله مع بعضه يا ستى
اما بقى ان كلامك مش مجاملة فدى حاجة تشرفنى فعلا ، وانتى ما تعرفيش انا بعزك اد ايه يا صديقتى الودودة
عدنا
الحاجات اللى بنعملها وتكون فى كامل ارادتنا اما بنعملها عشان نرضى انفسنا او بنعملها عشان نرضى اللى بنحبهم
مش كل سؤال ليه اجابة يامحمد ومدام عملتها فى كامل ارادتك يبقى اكيد وقتها كنت مقتنع بالشىء ده ولو كان الشىء ده غلط يبقى متفكرش كتير بس تحاول فى المستقبل انو ميتكررش
الحمد لله ان اسرارنا مخبايا جوانا ومكانش حد هيوقف ويقول دعونى اعظكم لأن كل بنى ادم خطأ واحنا مش بنقبل ناخد الموعظة من شخص ممكن يكون ارتكب نفس الخطأ برغم انه ممكن يكون اعتبر من اللى عمله وبينصح عشان ميتكررش
اخر سؤال اجابته عندك
بس انت ارهقة افكارى روح بقى اعملى كباية شاى عقابا ليك
و عشت في جزيرة وحيدا
كنت اكيد عملت حاجات كتير لما نكون وسط الناس اكيد بنحب نظهر اننا احلى وعشان كدة لو كنت لوحدك كنت هالبس اى كلام
اما الخلاق فهى هى لاتتغير وان تغيرت بيبقى انا منافق وتحياتى
لو عشت لوحدي هفقد قدرتي علي حب الحياه وهفقد متعتي بالحياه
لاني استمتع باللبني ادمين
سواء من تربطني بهم علاقة او من يمرون سريعا في حياتي
...
وسؤالك لما تتصرف وماتلاقيش سبب منطقي للي عملته
بكون جواك رغبه ما تجهلها تحركك والرغبه دي بتعبر عنك قوي
وبتعبر عن جزء مهم في شخصيتك فلازم تفهم وتدور علي الاجابة
حتي لو كان دا متعب
شكرا علي مرورك عندي وزي ما رديت عليك اهلا بك أخ كريم وصاحب مدونه
فكر كمان وكمان وأسأل كمان وكمان
ومش مهم الناس تبقي صادقة معاك الاهم انك تكون صادق مع نفسك ومعاهم
على فكره يا محمد انا استشاريه نفسيه
وبشجعك على هزا الحوار مع الزات
وبيتهيألى انك لازم
تلاقى اجابات
للاسئله دى عشان تعرف فين الغلط وتغيره
حاول تغير جو لو ترغب ف الضحك نورنى فى مدونتى
لا اختلف معاك طول مانت بتسال نفسك عمرك ماهتوصل للمجهول ابدا
بالعكس
هتوصل للحقيقة
بس متستعجلهاش
التساؤل يولد الفكر
والفكر يولد العلم والعلم يولد الحقيقة
تحياتى وتقديرى واحترامى ليك
واخر جلدك للذات ايه؟
وكل التفكير دة معقول خارج من عقل واحد كليه تجارة؟
انت كان المفروض تدرس حاجه تناسب الميول الادبيه والفلسفيه الجميله دى
لو كل انسان انكشفت اسراره امام باقى الخلق ، ماذا ستصبح الدنيا وقتها
-------------------------------------
حتبقى عامله لما يبقى معاك ورق كتير فى الدومنا فتقلبه على ضهره وتلعب ع المكشوف
وده مش حيحصل غير يوم القيامه ان شاء الله
وربنا حيكشف كل الناس لبعضهم
حلوه اوى النظره التامليه دى يامحمد
واضح ان روح الفلسفة لابساك اليومين دول يا نجم
لو سوأتنا انكشفت قدام الناس طبعا هتبقي حوسةكبيرة علشان كدر بك ستر حليم
اما بقي ان كل واحد بيدخل المدون بيقولك رائعة وكدة مش كل الناس بتقولها من قلبها البعض بيجامل والبعض بيقولها كدةعادي والبعض بيقولهاعلشان تتدخل عنده وتقول نفس الكلمة يعني بيقولها لنفسه هو
وياريته كان يقول رأي نافع في موضوع البوست نفسه حتي لوكان مخالف معاك علي الأقل انت تستفاد
بص البحث في نفوس الأخرين شيء اكبر من امكانيتنا نحن البشر لأن النفس البشرية عالم ملئ بالأسرار صعب نقدر نحله
تحياتي لك - بجد من قلبي -
Post a Comment
<< Home