Wednesday, April 2, 2008
بهبهتنا والمطالب الرئيسية لجيل
( الأستاذ سيد يجلس في أمان ومحمد ابنه يدخل عليه )
محمد : بابا أنا عاوز كورة عشان العب بيها مع صحابى
الأب : ماشى يا سى محمد ، حجبلك الكورة بس تسمع كلام ماما وما تزعلهاش ، يا بني أنا مش حرمك من حاجة
( بعد مرور ثلاث سنوات )
( الأستاذ سيد يجلس في سلام ومحمد ابنه يدخل عليه )
محمد : بابا أنا عاوز اتارى ، والنبي يا بابا عشان خاطري
الأب : حجبلك الأتارى يا محمد ، بس عاوزك تطلع الأول زى الشاطر ، يا بني أنا مش حرمك من حاجة
( بعد مرور ثلاث سنوات )
( الأستاذ سيد يجلس في هدوء ومحمد ابنه يدخل عليه )
محمد : بابا أنا عاوز عجلة ، كل صحابي جابوا عجلة وانا اللي بركب الجزمة بتاعتى
الأب : بس توعدني تاخد بالك من نفسك ، وما تحاولش تتفزلك وتعمل زى العيال الصيع ، يا بني أنا خايف عليك ، وبعدين أنا مش حرمك من حاجة
( بعد مرور ثلاث سنوات )
( الأستاذ سيد يجلس في طمأنينة ومحمد ابنه يدخل عليه )
محمد : بابا أنا عاوز كمبيوتر ، الكمبيوتر حيفدنى في الدراسة وحذاكر عليه
الأب : استنى لأول الشهر وربنا يكرم ونجبلك الكمبيوتر عشان تذاكر عليه ، وعاوزك كمان تتعلم تكتب عالكمبيوتر وتصغر الخط وتكبره كده يعنى عشان تستفيد منه
محمد : حكبرك الخط لدرجة انك حتجيب شاشة اكبر
الأب : كويس يا محمد ، أنا عاوز مصلحتك برضه ، وانا عمري ما حرمتك من حاجة
( بعد مرور ثلاث سنوات )
( الأستاذ سيد يجلس في استرخاء ومحمد ابنه يدخل عليه )
محمد : بابا أنا عاوز موبايل ، عشان تطمن عليا وانا في الجامعة وكمان لو عوزتنى تلاقينى
الأب : أحسن موبايل بمناسبة دخولك الجامعة ، هو أنا من امتى كنت بحرمك من حاجة يا بني
( بعد مرور اربع سنوات )
( الأستاذ سيد يجلس في سكينة ومحمد ابنه يدخل عليه )
محمد : بابا أنا عاوز اخد كورسات عشان اعرف اشتغل
الأب : خد يا بنى وماله عشان ربنا يكرمك وتشتغل ، شوف احسن مكان وروحه ، يا بني أنا عمري ما حرمتك من حاجة
( بعد مرور ثلاث سنوات )
( الأستاذ سيد يجلس في خشوع ومحمد ابنه يدخل عليه )
محمد : بابا أنا عاوز اتجوز ، بدل ما اجبلك العار
الأب : نخلى أمك تشوفلك احسن عروسة في البلد ، والله وكبرت يا ابن الكلب وحتكبرنى معاك وتخلينى جد وانا لسه في عز شبابي
محمد : ربنا ما يحرمني منك يا بابا
الأب : بمناسبة يحرمني ، يا بني أنا عمري ما حرمتك من حاجة
محمد : بابا أنا عاوز كورة عشان العب بيها مع صحابى
الأب : ماشى يا سى محمد ، حجبلك الكورة بس تسمع كلام ماما وما تزعلهاش ، يا بني أنا مش حرمك من حاجة
( بعد مرور ثلاث سنوات )
( الأستاذ سيد يجلس في سلام ومحمد ابنه يدخل عليه )
محمد : بابا أنا عاوز اتارى ، والنبي يا بابا عشان خاطري
الأب : حجبلك الأتارى يا محمد ، بس عاوزك تطلع الأول زى الشاطر ، يا بني أنا مش حرمك من حاجة
( بعد مرور ثلاث سنوات )
( الأستاذ سيد يجلس في هدوء ومحمد ابنه يدخل عليه )
محمد : بابا أنا عاوز عجلة ، كل صحابي جابوا عجلة وانا اللي بركب الجزمة بتاعتى
الأب : بس توعدني تاخد بالك من نفسك ، وما تحاولش تتفزلك وتعمل زى العيال الصيع ، يا بني أنا خايف عليك ، وبعدين أنا مش حرمك من حاجة
( بعد مرور ثلاث سنوات )
( الأستاذ سيد يجلس في طمأنينة ومحمد ابنه يدخل عليه )
محمد : بابا أنا عاوز كمبيوتر ، الكمبيوتر حيفدنى في الدراسة وحذاكر عليه
الأب : استنى لأول الشهر وربنا يكرم ونجبلك الكمبيوتر عشان تذاكر عليه ، وعاوزك كمان تتعلم تكتب عالكمبيوتر وتصغر الخط وتكبره كده يعنى عشان تستفيد منه
محمد : حكبرك الخط لدرجة انك حتجيب شاشة اكبر
الأب : كويس يا محمد ، أنا عاوز مصلحتك برضه ، وانا عمري ما حرمتك من حاجة
( بعد مرور ثلاث سنوات )
( الأستاذ سيد يجلس في استرخاء ومحمد ابنه يدخل عليه )
محمد : بابا أنا عاوز موبايل ، عشان تطمن عليا وانا في الجامعة وكمان لو عوزتنى تلاقينى
الأب : أحسن موبايل بمناسبة دخولك الجامعة ، هو أنا من امتى كنت بحرمك من حاجة يا بني
( بعد مرور اربع سنوات )
( الأستاذ سيد يجلس في سكينة ومحمد ابنه يدخل عليه )
محمد : بابا أنا عاوز اخد كورسات عشان اعرف اشتغل
الأب : خد يا بنى وماله عشان ربنا يكرمك وتشتغل ، شوف احسن مكان وروحه ، يا بني أنا عمري ما حرمتك من حاجة
( بعد مرور ثلاث سنوات )
( الأستاذ سيد يجلس في خشوع ومحمد ابنه يدخل عليه )
محمد : بابا أنا عاوز اتجوز ، بدل ما اجبلك العار
الأب : نخلى أمك تشوفلك احسن عروسة في البلد ، والله وكبرت يا ابن الكلب وحتكبرنى معاك وتخلينى جد وانا لسه في عز شبابي
محمد : ربنا ما يحرمني منك يا بابا
الأب : بمناسبة يحرمني ، يا بني أنا عمري ما حرمتك من حاجة
posted by استراحة محمد at 4:59 PM
14 Comments:
هههههههههههههههههههه,والله معاك حق
الناس دى طلع عينها معانا
ربنا يجازيهم خير ويجعل تعبهم على فايده
بس انتا نسيت حاجه
"بابا انا عايز ابليج"
ههههههههههه بهبهتنا مش عارفة بيتحملونا ازاى بس انا ابويا اخدها من قصيره واتكل وملحقتش اقول هات
الراجل ابويا ده الله يرحمه اكيد عمل حاجة كويسة عشان كده ربنا ريحه من قرفنا وهمنا .
بس للأسف ناس كتير من بتقدر اللى بيعملوه اهاليهم الغلابة
وبينسو الاية الكريمة اللى بتقول
(ووصينا الانسان بوالديه احسانا )
صدق الله العظيم
ويمكن انت اقتصر مووضوعك على الدعم المادى وانما الدعم المعنوى اللى بيوفره اكبر زى الامان والسكينة والاستقر ار
حتى وقت تعارض ارائهم معانا مش بيكون من فراغ بيكون خوف على مصالحنا وخوف علينا
والله مش بيقدر النعمة غير فاقدها
انا نفسى فى شىء واحد بس
انه يرجع ابويا واقوله بابا ممكن ابوس ايدك ارض على وسامحنى لو مكنتش قدرتك حق قدرك فى حياتك
انا اختصرت كتير بس الموضوع يستحق صفحات عشان نوفى بهبهتنا حقهم
وياريت كل شخص قبل ما يفكر يزعل والده يفتكر كام مره راح طلب منه طلب ومرجعش مكسور الخاطر .. حتى اللى طلب طلب ومنفذهوش الوالد فأكيد لو كان فى امكانه مكانش يتأخر
بس بستغرب اوى هما ليه معملوش عيد للأب زى ما عملوه للأم ؟؟
رائع دايما فى كتاباتك واسلوبك
والله يابنى ولا احسنها كاتب خلينا نشوف الابداع
تقبل مرورى
انا مش عارف اقولك ايه يا سمراء يا رافعة معنوياتى .. وبعدين لو انا حلو فأنتى حلوين .. وما تقوليش تقبل مرورى دى تانى .. انتى صاحبة مكان
ربنا يخليك يامحمد عارفة
بس انا مش برفع معنويات ولا بقولك مجاملات
بجد كتاباتك بتعجبنى
وعموما مفيش تقبل مرورى تقبلنى صديقة
لك خالص الود
بجد تضحك جداااااااااا
بجد بجد الله يكون فى عون الاهالى وبالذات فى زمن بقت الاشياء اغلى من الناس والاسعار بتاكل اى دخل مهما كبر
المشكله ان الابناء بيطلبو اللى هما عاوزينه ومالهمش دعوه الاهل يجيبو منين
المشكله برده ان الولاد بقت تبص لبعضها
مفيش حد بيحمد ربنا ابدااااااااا
This comment has been removed by the author.
والله يا لست ادرى انا قلت اسجل مطالب جيل ، واد ايه اهلنا تعبوا معانا فى وسط كل الحاجات اللى قولتيها
اتمنى زيارتك تكرر دايما وشكرا على تعليقك
السلام عليكم
دى اول زياره ليا بعد مشرفتنى انت
والموضوع جميل
ودا تقريبا الطبيعى
والبيحصل للكل وليك فى يوم من الايام سنه الحياه يعنى
بجد الموضوع حلو قوووى
الحمد لله اهلينا بتستحملنا
ورنا يخليهم لينا
انت جبتها من الاخر
احنا لولا الله ثم اهالينا كنا بجد اتسوحنا
ربنا يخليهم بجد
يا مراحب يا رونا وابو حنف ود.وائل
نورتوا مدونة العبد لله ويارب زيارتكم ما تكونش الأخيرة
البقاء لله تعالى توفى الاستاذ سيد والعزاء قاصر على تشيع الجنازه ولا اركم الله مكروه فى عزيز لديكم..ملحوظه محمد نسى يمش فى الجنازه
هههههههههههههههههه .. الله يسامحك يا اسلام ، خليت الراجل بعد كل اللى عمله لمحمد وفى الاخر يطلع محمد واد نص كم وينسى جمايل ابوه
يا خى ان شاء الله ربنا حيبارك فى كل الجيل وهيبقوا مقدرين تعب بهبهتهم
الأب نعمةلا يشعر بها إلا مفتقدها
ان اشعر بكل كلمةمن كلام سمراء لأنيايضاافتقد هذه النعمة ربنا يخلي لك والدك ولا يتحرم منك ولا تتحرم منه
Post a Comment
<< Home