Saturday, March 15, 2008
اللهو الخفى
اكتر حاجة بتضحكنى في بلدنا ، ان كل واحد فينا بيقول على الشعب المصرى انه متخلف وجاهل وعاوز حرقه بجاز ، وطبيعى لما كلنا شايفين المصريين كده ، يبقى احنا اكيد صوماليين ومش واخدين بالنا .. السؤال اللى مدوخنى فين المصريين المتخلفين دول .. عايشين فين ؟؟ .. ساكنين فين ؟؟ .. طب لو حد شافهم قبل كده سايق عليه النبى يقولى
لو سألتك انت مصرى تقولى ايه ، تقولى مصرى ابن مصرى وابن مصر ربنا اعلم بيه
posted by استراحة محمد at 11:23 AM
5 Comments:
فعلا والله معاك حق,الواحد بيسمع الكلمه دى كتير ,وتلاقى بيتكلم ونظره الحكمه بتطل من عينه ويقولك اه ده عيب الشعب المصرى قال يعنى الواد اجنبى ومولود فى حوارى نابولى..بجد شكرا انك كتبت عن الحكايه دى..احنا كلنا مصريين ياناس
هي دي مشكلة كل واحد فينا .. ديما كل واحد مطلع نفسه برا الليله ..يعني كل واحد متخيل نفسه في قوقعه كده قاعد جواها و العالم بره وحش و الناس غبية و جاهلة و وحشة لكن هو مش منهم أبدا .. هو بسم الله ماشاء الله مفيش زيه .. المشكله فيهم هما .. هما شعب متخلف !
ربنا يكون في عونا احنا الشعب المصري
كلمه وقلتوها حكمه كل واحد مطلع نفسه من الليله..ده انا يارجاله كنت ركب مع واحد سواق تكتك الاقى البيه بيسب فى سواقين التكاتك والشعب المصرى المتخلف ..ونسى انه سواق تكتك من ضمن السوقين ومصرى من ضمن المصريين..والله انى كنت هضربو بلكف والله من غيظى..شكرا استاذى العزيز
معاك حق
فعلا الواحد كتير بيتكلم بنفس الطريقة و هو ناسى انه جزء من المجتمع اللى شايفه عقيم
على فكرة بجداسلوبك حلو قوى
و موضوعاتك بتمس مشاكلنا و خنقتنا من غير تعقيد
و على فكرة برضه انت كده فى البوست بتاعى علقت على الكومنت مش عالبوست فعلا زى ما انت ذكرت
ده عيبنا اننا بنسب نفسنا بنفسنا
وبنوجه الاتهامات
وبننتظر ان العالم تعاملنا على اننا حاضريين
حاجة تفقع المرارة
Post a Comment
<< Home