Tuesday, March 25, 2008
لماذا نحن ؟؟
هل نحن نستحق أن ينزل علينا نبي من السماء ؟؟
يشغل ذهنى هذه الأيام ذلك التساؤل ، وحيرتني إجابته بشده ، إذا كان قوم لوط نزل عليهم نبي من عند الله ليهديهم عن خطيئة واضحة ، فهذه الخطيئة موجودة في أيامنا هذه ، وخطيئة قوم موسى والتي وضحها القران عندما قالوا " فاذهب أنت وربك فقاتلا إنا هاهنا قاعدون " ونحن أيضا تكاسلنا واكتفينا بالدعاء على أعدائنا ولا نريد أن نفعل أكثر من ذلك ، ونطلب من الله أن ينزل عليهم صاعقة من السماء في منتهى السلبية والتخاذل والتواكل
أيضا قارون وتجبره واكتنازه الذهب والفضة وقوله أنا ربكم الأعلى موجود أيضا في عالمنا من تسلط وعبادة للمال واذلال للعباد ، وكل قوم نزل عليهم نبي فينا عيوبهم مثل ثمود وعاد وقوم يونس وهكذا ، حتى الجاهلية قبل سيدنا محمد وعبادتهم الأصنام من دون الله وإغراقهم في المتع ، موجود أيضا عندنا فكل منا اتخذ إلهه هواه كما قال القران ، يسير وراء هواه ويسجد لمتعه من دون الله
الأدهى أن الجاهلية مثلا رغم عيوبهم إلا أنهم كان عندهم شجاعة ونخوة ورجولة وعزة وكرامة ، أما نحن فحتى هذه الأشياء تكاد تنتهي من بيننا
، لا نملك غير أن نشجب ونطالب ولا نستطيع أن نتخذ مواقف حاسمة لأن الجبن والتخاذل والانهيار الحضاري هو ما تحويه خزائننا الواهنة
أعود هنا لسؤالي الرئيسي ، لماذا رغم كل عيوبنا هذه لا ينزل علينا نبى من عند الله يهدينا إلى صراط مستقيم ؟؟
أود فقط أن أوضح أنى اسأل عن نبي لا رسول ، فالرسول هو من أتى برسالة مثل سيدنا محمد والإسلام وسيدنا عيسى والمسيحية ، أما النبي فهو من يهدى الناس إلى طريق الصلاح دون أن يأتي برسالة جديدة
اعلم أن هناك حكمة من عند الله أن يكون سيدنا محمد صلى الله عليه وسلم هو آخر الأنبياء والمرسلين ، لكن عقلي اللعين جعلني أفكر وأحاول أن اربط الأمور يبعضها واسأل سؤالي ذلك واحاول فهم حكمة ربنا سبحانه وتعالى ، ويبدو أن الوصول لإجابة مستحيل، وليبقى معي ظني أننا نستحق نبي أكثر من اى احد قبلنا، ويبقى الأمر في علم الله وحده ، اشهد بعلمه الذي وسع كل شيء
***********
أنا حنقطع عن التدوين من عشرة لخمستاشر يوم كده ، عشان امتحانات الميد تيرم ، على عيني والله ابعد ، بس أنا زهقت بصراحة من التعليم وعاوز اخلص السنادى ، عشان كده بركز في الامتحانات عشان ربنا يكرمني ، أتمنى إن الشوق هو اللي يترسم في عيونكو لحد ما اخط القلم تانى هنا ، واشوفكو على خير
posted by استراحة محمد at 10:38 AM
5 Comments:
ماهو المشكله يامحمد مش فى نبى يجى يعرفنا
الصح فين,ماحنا مشكلتنا ان احنا عارفين الصح فين ومبنفزوش,قوم لوط وثمود وقارون وقوم سيدنا موسى كلهم يختلفو عنا,هما كان لازم حد يفهمهم ويوعيهم ويعرفهم عاقبه سلوكهم,احنا بقا عرفنا عاقبه سلوكهم يعنى عرفنا الخطيئه بتاعتهم وعرفنا عقابها يعنى ملناش حجه,وبعدين ماهو فى ناس كتير شيوخ(على حق مش بتوع قناه الناس)لسانهم نشف يوعو فينا واحنا واخدين فى سكتنا,وربنا يكرمك فى الميدترم وتجيب اعلى الدرجات وترجعلنا من تانى
فى انتظارك ياحمام
احنا أكيد مش محتاجين نبي
لسبب وحيد
ان ربنا اختار سيدنا محمد عشان يكون خاتم الانبياء و المرسلين
دي الاجابة اللي تريح الدماغ
أما لو عايز تشغل العقول الملعونة
فدي قصه أخرى
فعلا اذا كان فيه زمن محتاجين فيه نبي أكيد هيبقى ده .. ده احنا مش محتاجين نبي
ده احنا محتاجين فريق أنبياء
كل زمن و كان فيه نوع من الفساد
احنا زمننا ده في جميع النواع بسم الله ماشاء الله ..
أنا مختلف معاك يا احمد
الانبياء و الرسل هدفهم توضيح طريق الخير و التذكير بالثواب و العقاب
و توضيح القوانين و التشريعات السماوية
دلوقتي كل حاجه ملخبطة .. و مافيش شيخ بيقول حاجه الا لما حد يطلع يكذبه .. محدش عارف فين الصح و فين الغلط .. محتاجين هداية الهية !!
ما يبقاش بعدها نقاش و لا تقويل
و ربنا عالظالم
تروح و ترجع بالسلامه يا حمام
قرائك بيدعولك تحل كويس في الامتحان
و بينتظروا عودتك على احر من الجمر
This comment has been removed by the author.
السلام عليكم
اخى الكريم
يمكن اللى بيحصل حوليك هو اللى خلاك تسأل سؤالك ده بس على راى عمو احمد وشريف نحن مش محتاجين نبى ولا رسول لان نبينا ورسولنا اتم رسالته
ولاننا كمان عارفين الصح فين والغلط فين
نحن بس محتاجين نرجع للدين
والحديث قال
" تركت فيكم ما إن تمسكتم به لن تضلوا من بعدي : كتاب الله وسنتي ، ولن يفترقا حتى يردا علي الحوض "
صدق رسول الله
بتمنالك التوفيق والنجاح ان شاء الله
Post a Comment
<< Home