Friday, May 23, 2008
محمد الأسطورى
قاعد بذاكر في امان الله ، فوجئت بصويت اشتغل في الشارع
طلعت في البلكونة جرى ، اشوف ايه اللى حصل ، وانا عمال اقول استرها يارب
فوجئت بالست اللى ساكنة جمبنا واقفة عمالة تصوت وتقول ، انت فين يا محمد ، رد على امك يا محمد ، يا حبيبى يا محمد
وبما ان أنا ما اعرفش اى حاجة عن الشارع بتاعنا فما كنتش اعرف ان محمد ده ابنها اللى عنده تلات سنين ، لدرجة انى في الأول افتكرت ان محمد ده أنا وكنت هقول ايوة يا حاجة عاوزة ايه
المهم الناس اتلمت وفهمت من حواراتهم ان محمد مختفى من الصبح وما ظهرش ، ومش بيلعب مع العيال ، يعنى من الاخر الواد ضاع
طبعا الناس تعاطفت واللى عنده عيل بيسأله ويرد العيل على ابوه ، ما شفتوش من الصبح ، وما جاش يلعب معانا
الست تسمع الكلام تهيج اكتر وتديها صويت
فضلت اتابع الوضع أنا وكل متفرجى الدرجة التالتة ( الناس اللى واقفة في البلكونات ) وبشوف الحوار هيخلص على ايه
الناس المتعاطفة وزعت نفسها على الشوارع تدور على محمد ، والكل رجع من غير ما حد يلاقيه
الست جارتنا انهارت وابتدت تجرى حافية في الشارع تستنجد بالناس يشوفوا محمد
صعبت عليا جدا ، ورغم انها ست غبية ، إلا ان الأمومة مالهاش دعوة بالعقل او الأخلاق
طبعا ما فكرتش انى انزل اساعد لأن أنا ما عرفش محمد اساسا ، ولو شفته احتمال اسأله على عيل تايه اسمه محمد
وعلى حين فجأة وفى عز ما الناس بتفكر وبتحاول توصل لمحمد ، ظهر ابنها التانى عنده ست سنين تقريبا وهو بيقول : لقيته يا ماما
الأم بسرعة سألت فين هو يا بني
- قاعد تحت الكنبة
لا حول الله يارب ، توب علينا يارب ، ارحمنا يارب ، الواد الجزمة قاعد تحت الكنبة وعامل دماغ ومستكيف في الطراوة وسايب الناس بتدور عليه
طبعا الناس ما مسكتش نفسها من الضحك ، وانا بصراحة وقعت عالأرض من الضحك ، بتعمل ايه تحت الكنبة يا حبيبى ، طب شايف امك هتجنن عليك مش تكرم معاليك وتطل عليها براسك بس تقولها ، أنا اهبل وقاعد تحت الكنبة يا ماما
الله يحرقك بجاز يا محمد ، وانا لو مكان امه احلف عليه يفضل تحت الكنبة اسبوع ، طالما هو بيعزها قوى كده
بس بأمانة أنا مبسوط من الواد ده ، اهو فك الغم اللى كان الواحد بيشوفه في الورق وخلانى اضحك وعمل شو حلو
ياما تحت الكنب عجب
طلعت في البلكونة جرى ، اشوف ايه اللى حصل ، وانا عمال اقول استرها يارب
فوجئت بالست اللى ساكنة جمبنا واقفة عمالة تصوت وتقول ، انت فين يا محمد ، رد على امك يا محمد ، يا حبيبى يا محمد
وبما ان أنا ما اعرفش اى حاجة عن الشارع بتاعنا فما كنتش اعرف ان محمد ده ابنها اللى عنده تلات سنين ، لدرجة انى في الأول افتكرت ان محمد ده أنا وكنت هقول ايوة يا حاجة عاوزة ايه
المهم الناس اتلمت وفهمت من حواراتهم ان محمد مختفى من الصبح وما ظهرش ، ومش بيلعب مع العيال ، يعنى من الاخر الواد ضاع
طبعا الناس تعاطفت واللى عنده عيل بيسأله ويرد العيل على ابوه ، ما شفتوش من الصبح ، وما جاش يلعب معانا
الست تسمع الكلام تهيج اكتر وتديها صويت
فضلت اتابع الوضع أنا وكل متفرجى الدرجة التالتة ( الناس اللى واقفة في البلكونات ) وبشوف الحوار هيخلص على ايه
الناس المتعاطفة وزعت نفسها على الشوارع تدور على محمد ، والكل رجع من غير ما حد يلاقيه
الست جارتنا انهارت وابتدت تجرى حافية في الشارع تستنجد بالناس يشوفوا محمد
صعبت عليا جدا ، ورغم انها ست غبية ، إلا ان الأمومة مالهاش دعوة بالعقل او الأخلاق
طبعا ما فكرتش انى انزل اساعد لأن أنا ما عرفش محمد اساسا ، ولو شفته احتمال اسأله على عيل تايه اسمه محمد
وعلى حين فجأة وفى عز ما الناس بتفكر وبتحاول توصل لمحمد ، ظهر ابنها التانى عنده ست سنين تقريبا وهو بيقول : لقيته يا ماما
الأم بسرعة سألت فين هو يا بني
- قاعد تحت الكنبة
لا حول الله يارب ، توب علينا يارب ، ارحمنا يارب ، الواد الجزمة قاعد تحت الكنبة وعامل دماغ ومستكيف في الطراوة وسايب الناس بتدور عليه
طبعا الناس ما مسكتش نفسها من الضحك ، وانا بصراحة وقعت عالأرض من الضحك ، بتعمل ايه تحت الكنبة يا حبيبى ، طب شايف امك هتجنن عليك مش تكرم معاليك وتطل عليها براسك بس تقولها ، أنا اهبل وقاعد تحت الكنبة يا ماما
الله يحرقك بجاز يا محمد ، وانا لو مكان امه احلف عليه يفضل تحت الكنبة اسبوع ، طالما هو بيعزها قوى كده
بس بأمانة أنا مبسوط من الواد ده ، اهو فك الغم اللى كان الواحد بيشوفه في الورق وخلانى اضحك وعمل شو حلو
ياما تحت الكنب عجب
posted by استراحة محمد at 8:25 AM
21 Comments:
ياااااااااااه...أول تعليق!!!!...المهم هو مش برضه فيه مذاكرة ..وكتب وأمراض مستعصية...أمال بتعمل ايه هنا؟؟؟
.يلا مش مشكلة.....بس بجد شكرا ضحكتني جدا....فكرتني بموقف زمان ..بدل محمد كانت سلمى....بنت عمي الصغيرة........تقدر تقول نفس الحوار كده....بس طبعا هناك فرق..سلمى ما كانتش مستخبية تحت الكنبة....لأ كانت مستخبية في نملية المطبخ...وكمان بتاكل رز مع الملايكة........
........صحيح إلا هو الواحد ما ينفعش يستخباله في حته لحد الامتحانات ما تخلص؟؟؟؟؟؟؟؟؟
هههههههههههه
ايه العيل الشيطان ده انا لو من امه ارميه من اقرب بلكونة هى العيال بقة غبية ليه كده اليومين دول
بمناسبة ضياع العيال احنا عندنا كل يوم عيل او اتنين يضيعو بس مش عارفة اذا كان بيلقوهم ولا لا
عارف انا شفة موقف نفس موقف الام كده بس خنقتنى بصويتها وكأن القيامة قامت صحيح عاطفة الامومة قوية بس دول بيعملو فضيحة وبتصرفو من غير عقل
المهم حمد لله على سلامة محمد اللى مكانش ضايع اصلا
وربنا يعينك على المذاكرة وبلاويها
هههههههههههههههههههههههههههههههه
فكرتني بموقف حصلي و انا صغير
كنت مدايق منهم في البيت و حاسس انهم ناسيني خالص
قلت اضيع عشان يدوروا عليا و بتاع و ابقى مهم
المهم بالليل و قبل ما ننام طلعت برا البيت و استخبيت في حتة كده
استنى حد يدور او يصوت او اي حاجه مفيش .. و لا كأن فردة جزمة ضاعت مش ابنهم الغالي
في الاخر زهقت و قعدت اعيط و رجعت تاني !!
و عرفت اني ماليش قيمة في الدنيا دي.. الا عند نفسي !!
هههههههههههههههههههههههههههههههههههههههههههههههه
يا عم سيبوه
بتقلقوا منامه ليه
بس الست دى مفيش مخ خالص كده
سايبه ابنها 3 سنبن
وعارفه انه من الصبح غايب وجايه تدور عليه بالليل
بس والله الله يكون ف عونها ربنا رزقها بواد
دا لما يوصل 10 سنين هتكون الست دى دخلت مستشفى المجانين
هههههههههههه
بوست جميل يا محمد
اتمنى تنورنى
كنب ايه يا عم محمد هو فيه عيال بتستخبى تحت الكنب دلوقتى
هو بقى فيه كنب اصلا دة بقى حاجه بيئه اوىى
احنا العيال فى الشارع بتاعنا بقى بتستخبى فى عربيات الزباله واهو تلقط رزقها يمكن تلاقى حاجه تنفعها هناك
ربنا يساعدك ويكرمك فى الامتحانات ان شاء الله تمنياتى ليك بكل التوفيق
هههههههه
الحمد الله يا محمد انها جت فى الاخر على كنبة
المهم انة موجود
عامل اية فى الامتحانات
خلينا نشوفك
تحياتى
اتمنى تنورنى
ههههههههههههههههههههههههههه
علي فكرة انت عسسسسسسسسسسل
بجد كنت حموت من الضحك
مش علي محمد علي اسلوبك اللي بتحكي بيه القصة دي
بس انا لو منك كنت قولتلها الحلال مبيضيعش يا ام محمد
منورة دواير
انا عندى اقتراح لذيذ ، ما تيجى نجوز سلمى لمحمد ، وربنا يسامحنا عالجريمة اللى هنعملها قى حق البنى ادمين
سمراء صديقتى الغالية
انتى يا بنتى ساكنة فى مثلث برمودا ولا ايه ؟؟
العيال بتوه عندكو ليه ؟ ، اتأكدى والنبى ان ما فيش حد فى شارعكو اسمه التوربينى
اما بالنسبة للمذاكرة فربنا يلهمنا الصبر والسلوان
ههههههههههههههههههههههههههههههههههه
طب والله صعبت عليا يا شريف
اهو ده قمة اليأس
اجمل بنت مصرية
احب ابشرك الواد عمل رقم قياسى وحطم كل التوقعات ، وامه حاليا فى مستشفى المجانين جدا
كنارى صاحبة الأسم الرقيق
عيال شارعكو دول لما يكبروا مش هيبقوا غير حاجة واحدة بس
طيارين
هههههههههههههههههههههههه
صديقى تامورة
اهو موجود يا عم وحالف ما يمشى الا اما يخلص على امه
بالنسبة لأنى عامل ايه فى الامتحانات ، فأنا عامل اللى الناس بتعمله فى الحمام
تامر صلاح باشا اللى منورنى
ربنا يخليك يا كبير ، واتمنى تكون استراحتى عجبتك وتبقى زبون عندنا
تحياتى
السلام عليكم .....اول زيارة لمدونتك وان شاء الله مش هتكون الاخيرة .....اسلوبك لذيذ فى عرض الاحداث بمنتهى البساطة و العفوية .....وهى دى اخلاق ولاد البلد فى البحث عن محمد !!.....موقف مماثل حصل مع اخى الصغير !! عندما اتصل به صاحبه ليساءل عن اخته الصغيرةلانهم لا يجدوها .....وبعد اكثر من 5 ساعات اكتشفوا وجودها ؟! ههههههههه تحت السرير (مش الكنبة المرة دى ) راحت عليها نومة ؟!تعمل ايه المسكينة ؟ نامت ..... وسابتهم قلبوا عليها الدنيا , وتليفونات , و البلد كلها عرفت ب غياب الامورة ...... اضحكتنا و الله .....سلام ..(داليا)..
داليا اللى منورانى
ده موضوع القاعدة تحت الكنب والسراير منتشر وانا مش واخد بالى ، عامة الموضوع ده من الحاجات اللى بيقف عندها العلم عاجز ومش ليها تفسير
اتمنى تنورينى تانى وتانى
تحياتى
ماشي نجوزها وأهو نريحها من المذاكرة والمدرسة حتى.....وبعدين مش هيحتاجوا شقة ممكن يستخبوا في اي حتة.....
علي رأيك يا ما تحت الكنب عجب
ربنا ياعم يوفقك في امتحناتك وتجيب اعلي تقدير
احلى دواير
انا روحت لمحمد عشان اقولوا هجوزك ، ما عرفتش اقابله ، لقيته مستخبى
مفيش فايدة
ابو الثوار مصطفى باشا
ده طلع مش الكنب بس يا كبير فى نملية وفى بير سلم وفى سرير
انشطة متنوعة يعنى
متشكرين عالدعوتين الحلوين دول
منورنى دايما يا صحبى
Post a Comment
<< Home