Tuesday, June 3, 2008
الجهل بالنفس
كلما شاهدت نفسي في تسجيل فيديو ، استغرب نفسي فعلا ، واجدنى مشمئزا منى ، وأتعمد أن أقدم اى لقطة تحوى داخلها صورتي
وكلما سمعت تسجيل صوتي لنفسي ، أجد أن صوتي سيء جدا ، واشعر بالاشمئزاز أيضا ، ولا استطيع أن أكمل الاستماع ، حتى أنى مؤخرا قررت أن امتنع عن الاستماع أو مشاهدة ذاتي
والحقيقة أن هذا لا يحدث لي وحدي بل كل منا عندما يرى نفسه يشعر بنفس الحالة التي تنتابني
وبالرغم من شعورك بأنك غريب ، وان ( شكلي كان وحش في اليوم ده ) ، إلا أن الباقين يروا انك كنت طبيعيا جدا ويؤكدوا لك انك كنت في حالة جيدة ، ولا داعي للمبالغة
السؤال الذي ينطق به الذهن الآن ، ما هو السبب في تلك الحالة الغريبة التي تشعر بها عندما تشاهد نفسك ؟؟
في وجهة نظري المتواضعة أن السبب يرجع لنقص المعلومات في عقلك عن ذاتك
أنت تستطيع أن ترى الآخرين وتتفاعل معهم ، وتكون عنهم فكرة ورأى ، وتنطبع صورة لهم في عقلك تتحرك على أساسها ، بدليل انه عندما يحيد احدهم عن ما كان معتادا منه بالنسبة لك ، تشعر بالاستغراب ، وتخبره انه ليس في حالته الطبيعية
أما بالنسبة لنفسك ، فأنت لا تراها ولا ينشغل عقلك بتكوين معلومات عن ذاتك
فعندما تأتى اللحظة التي تشاهد فيها صورتك ، تحدث صدمة راجعة إلى سببين
أولا نقص المعلومات عن مظهرك في حالات الفرح والحزن والدهشة ، وتعبيرات وجهك وجسدك المصاحبة لتلك الحالات
ثانيا إيمانك الوهمي انك تعرف نفسك ، وان ما تراه ليس هو أنت ، بالرغم انك لو طرحت على نفسك سؤال بسيط ، مثلا إذا لم تكن هذه ضحكتي فما هي ضحكتي ؟؟ ، فلن تجد إجابة محددة
هذان السببان يتضاربان في العقل وداخلك محدثين صدمة تتجسد في الاشمئزاز من نفسك
كل هذا النقص في المعلومات والجهل بالنفس في مجرد المظهر والشكل وتعبيرات الوجه وما شابه ، فما بالك بأعماق نفسك
أظن أن الجهل بها سيكون اكبر بكثير
وكلما سمعت تسجيل صوتي لنفسي ، أجد أن صوتي سيء جدا ، واشعر بالاشمئزاز أيضا ، ولا استطيع أن أكمل الاستماع ، حتى أنى مؤخرا قررت أن امتنع عن الاستماع أو مشاهدة ذاتي
والحقيقة أن هذا لا يحدث لي وحدي بل كل منا عندما يرى نفسه يشعر بنفس الحالة التي تنتابني
وبالرغم من شعورك بأنك غريب ، وان ( شكلي كان وحش في اليوم ده ) ، إلا أن الباقين يروا انك كنت طبيعيا جدا ويؤكدوا لك انك كنت في حالة جيدة ، ولا داعي للمبالغة
السؤال الذي ينطق به الذهن الآن ، ما هو السبب في تلك الحالة الغريبة التي تشعر بها عندما تشاهد نفسك ؟؟
في وجهة نظري المتواضعة أن السبب يرجع لنقص المعلومات في عقلك عن ذاتك
أنت تستطيع أن ترى الآخرين وتتفاعل معهم ، وتكون عنهم فكرة ورأى ، وتنطبع صورة لهم في عقلك تتحرك على أساسها ، بدليل انه عندما يحيد احدهم عن ما كان معتادا منه بالنسبة لك ، تشعر بالاستغراب ، وتخبره انه ليس في حالته الطبيعية
أما بالنسبة لنفسك ، فأنت لا تراها ولا ينشغل عقلك بتكوين معلومات عن ذاتك
فعندما تأتى اللحظة التي تشاهد فيها صورتك ، تحدث صدمة راجعة إلى سببين
أولا نقص المعلومات عن مظهرك في حالات الفرح والحزن والدهشة ، وتعبيرات وجهك وجسدك المصاحبة لتلك الحالات
ثانيا إيمانك الوهمي انك تعرف نفسك ، وان ما تراه ليس هو أنت ، بالرغم انك لو طرحت على نفسك سؤال بسيط ، مثلا إذا لم تكن هذه ضحكتي فما هي ضحكتي ؟؟ ، فلن تجد إجابة محددة
هذان السببان يتضاربان في العقل وداخلك محدثين صدمة تتجسد في الاشمئزاز من نفسك
كل هذا النقص في المعلومات والجهل بالنفس في مجرد المظهر والشكل وتعبيرات الوجه وما شابه ، فما بالك بأعماق نفسك
أظن أن الجهل بها سيكون اكبر بكثير
posted by استراحة محمد at 9:59 AM
20 Comments:
فعلا يا محمد كل محد بيبص لنفسه في صوره او فيديو بيستغرب شكله اوي
انا عندي صوره لسه متصورها
ومصمم ان الاستوديو لعب في الصوره وانها مش صورتي خالص
وتحليلك للسبب اكتر من رائع
ضيف عليهم ان كل واحد بيتمني يشوف نفسه في احلى صوره
والصوره دي في اغلب الاوقات مش موجوده
تحياتي ليك
ليكوريكا
استراحه
******
المقاله رائعه و هادفه اضافت لى معلومه كنت اتساءل دائما بخصوصها عندما اسمع تسجيل صوتى لى
جزاك الله عن المعلومه
تحياتى
السلام عليكم ورحمة الله وبركاته
محمد**
ياصاحب الاستراحة
ممتاز فى تحليلاتك وارآءك كما هى عادتك .البوست مخلوط به المعلومة المفيدة مع الكلمة الادبية الجميلة
ومن جانبى ومن جهة عملى اقول لك اننا نسمع صوت انفسنا بطريقين الهواء
(مثلنا مثل كل الناس اللى حولنا
والطريق الثانى
عن طريق عظام الجمجمة(طريق داخلى لا يشترك معك احد فيه ولذلك عندما تستمع لصوتك اول مرة تستغرب الامر تمامآ لانك
تسمع نفسك لاول مرة بطريق الهواء فقط
اما رؤيتنا لانفسنا لاول مرة واستغربنا لمنظرنافذلك كما ذكرت لان كل واحدفينا لا يرى نفسه الا كاملا ورائعآ
وعندما يجد غيرذلك تستغرب جدآ
وعفوآ للاطالة
وتقبل تحياتى
يامحمد
ياصاحب الاستراحة
ههههههههههههههههههههههههههههه
عندك حق يا محمد ونقدر نقول ان الواحد
لما بيشوف نفسه ككيان منفصل بيحكم بنظره غيره
على نفسه
بوست جمييييل
احييك واتمنى تنورنى
This comment has been removed by the author.
لا احد يعجبه نفسه
تحياتي ليك ياصديقي
بوست جميل اوي احلا حاجه فيه فكرته بجد مبتكره وجديده اشكرك عليها وتقبل مروري
بوست مميز فعلا
تعرف ان غالبية المشهورين اللى متعودين يطلعوا فى التليفزيون كده فما بالك بقى بالناس العادية اللى كل علاقتهم بنفسهم وهما بيسرحوا شعرهم امام المرايا
لدرجة ان فيه ممثلة كبيرة بتقول انا عمرى ماشوفت فيلم لنفسى لانى مابحبهاش
برأيي ان كلامك عن جهلنا بانفسنا دقيق...ولكن اعتقد ان هذا الجهل سببه شعورنا أننا لا نحتاج لفهم انفسنا كما نجتاج لفهم الآخرين...فنحن نحاول ان نفهم من حولنا كي نستطيع أن نقرر كيف سنتعامل معهم؟ هل سنحبهم؟ هل سنكرههم؟ أم ماذا....أما بالنسبة لذاتنا فنحن إما نحب أنفسنا دون أن نفكر في سبب لذلك وإما نكرهها دون أن نفكر في سبب أيضا....لذا فعندما نرى أنفسنا من خلال عيوننا نحن نشعر أننا نرى اشخاصا لا نعرفها....وأظن أن هذا ربما ليس شيئا غريبا فحتى من الناحية العلمية فلا أحد يستطيع أن يسمع صوته الحقيقي أو يعرفه..فدائما صوتك المسجل يس هو ما اعتدت سماعه...لذا ربما ينطبق هذا على كل شيئ آخر سواء في المظهر أو الجوهر....
......
كفاية باه رغي عشان اروح أذاكر....وبعدين انا برضه بحسد..يلا مش مشكلة اهي كلها كام يوم ونرجع للدنيا دي تاني ونخلص من م الامتحانات....
مساء الجمال يا برنس....لالالالالالا...روعه بجد....فيه فكره و اسلوب و نقد وتحليل...والله في منتهى الجمال بلا مبالغه....ربنا يوفقك يا معلم على طول...الشراقوه لما يبدعوا بيبدعوا يا برنس...بقولك...انا عازمك تشوف اخر حاجه نزلتها في قصاصه ورق مش في البلوج التاني...ابقى تعالى طل و قولي رأيك يا معلم
سلام يا برنس
بوست مميز يامحمد
الواحد لاينظر الى نفسة نفس نظرتة الى الاخرين
تحياتى
كويس انك بتبص لنفسك باشمئزاز احسن ماتبصلها بغرور
وتعجب بنفسك
ده من نحية
والتحليل بتاعك فعلا صحيح
لانى كمان محدش بيشوف نفسه
تحياتى ياريس
السلام عليكم
دائما تطرح موضوعات عن اشياءأما هى دائما تشغل بالنا او لم نلقى لها بال وتدعونا لنفكر فيها
كلامك منطقى جدا يامحمد نحن دئمى التفكير فى غيرنا لكن مساحة التفكير فى انفسنا ضئيلة لذا كما قلت لا يكون هناك حل وسط اما محب لنفسك حد الغرور اما كاره نفسك حد الاشمئزاز
بلا سبب مقنع
سؤال
ايه سبب دخولك كلية التجارة ؟
انت فين يامحمد
خلينا نشوفك
تحياتى
بجد انا اسف علي التاخير في التعليق لاني والله كنت مشغول جدا
بس الحمد لله انا سعيد جدا بقراءة هذا الموضوع الرائع
انا استفدت منه كتير
نعم يا اخي كل واحد منا لا يري عيوب نفسه وعندما يصتدم بالحقيقة يشعر بانه شخص اخر غريب عنه
شكرا علي البوست
العجوز
دلوقتى مبقاش فى حد بيقعد مع نفسه ويحاسبها ويقول انا غلط لما عملت الحاجة دى وكان ممكن اتصرف احسن لوعملت الحاجة التانية
كلنا بقينا بنقضى اليوم بيومه مش مهم اللى حصل ولا اللى هيحصل ولا حتى اللى بيحصل دلوقتى
وكمان الانسان دايما بيبقى عاوز انه يكون فى احسن مظهر قدام اى حد
فكرة جميلة
تحياتى
كلام جامد
الواحد ساعات مش بيكون فاهم اى حاجة قدامة
انا صاحب مدونة رياضية يومية
نورنا
تحياتى
عندك حق والله
فعلا اى تسجيل صوتى لنفسك مش بتحس انه صوتك خالص
بس فعلا زى مانت قلت هل ده جهل بالنفس او نقص فى المعلومات عن نفسنا
كلها بجد ممكن تكون صح
وده بيبهنا لحاجات كتيره جدا
يااااااااه
مقالك اكثر من رائع يا عزيزى
وانت عندك حق
انا مش عايزة اقولك عندى شرايط كتير فيديو لنفسى عمرى ما حاولت اتفرج على حاجة فيها علشان عارفة ان شكلي هيبقى فيها وحش
عمرى ما اتصورت صورة فوتوغرافية وعجبتنى ابدا .. مع ان الراجل ما صورش حد تانى غيري
الواحد بيهرب من حيقيقه وبيرسم صورة لنفسه مش شايفها .. ولما بيشوف غيرها بيحصل الفزع الاكبر
تسلم الدماغ المتكلفة :)
تحياتى
ازيك يامحمد
اخبارك اية
ربنا يوفقك فى الامتحانات يارب
لما تيجى ابقى عدى عندى فى قصة طويلة بنزلها على حلقات عايز تتابع معانا من اولها
فى انتظارك
تحياتى
Post a Comment
<< Home