Sunday, July 27, 2008
انا مبسوط
هييييييييييييييييييييييييه
انا رايح معشوقتى ومحبوبتى والبلد اللى قضيت فيها احلى ايام فى حياتى
انا رايح اصيف فى مرسى مطروح
السعادة دلوقتى هى الحاجة اللى ممكن اوصف بيها احساسى
انا بجهز شنطتى لأنى رايح الجنة بتاعتى عالأرض
انا راحل الى عالم النشوة
جايلك يا مطروح
جايلك انا وصحابى عشان نملاكى جرى وضحك ولعب وغنى
دى المرة التانية اللى ازور فيها مطروح مع صحابى
راجع انا وصحابى لهناك عشان نجرى ساعة الفجر ونخطط ملعب تنس على البحر وكل واحد يعمل نفسه روجيه فيدر واحنا بنلعب بمضارب ركت اساسا بس احنا عملناها تنس واى كلام يا عبد السلام
وطبعا فيه حكم واكيد هو زى اللاعيبه حافظ اسم اللعبة بالعافية ، بس ربنا بيسهل وبنلعب وواحد بيفوز مننا وما تسألوش ازاى
راجع انا وصحابى على هناك عشان نقعد فى شط الغرام على الصخرة بتاعتنا اللى هناك ونغنى محتاج لعنيك يا ليل باللهجة الفلاحى اللى بنغنى بيها الغنوة دى ، ونفضل نغنى ونضحك لحد ما الشمس تغرب ونقولها باى بااااااااااااااااااااى
راجع انا وصحابى على هناك عشان نبلبط فى البحر الساحر ، واركب على كتاف اسلام كعادتى وكل مرة بيبقى على وشك يغرق لولا ان ربنا ستار ، واغيظه واقوله انت تخرس خالص انا جايبك بمليون جنيه عشان اغرقك اساسا
راجع انا وصحابى على هناك عشان نروح عجيبة ونجيب كوبايتين شاى تمام ونطلع فوق اعلى حتة فى الصخرة والناس كلها عمالة بتتفرج عالمجانين اللى فوق اللى مليين الدنيا ضحك
جايين ليكى يا مطروح نقعد على شطك بالليل وناكل بيتزا بالجمبرى او بمعنى اصح هم ياكلوا بيتزا بالجمبرى وانا بصفتى ما باكلش جمبرى ( وما حدش يضحك بخباثة ، انا عارف مصيبتى ) فبجيب بيتزا بالفراخ ، ونألف فى اغانى انا وشريف ونلحنها ونبقى مستكنيصين اوى من اللى بنعمله
جايلك يا مطروح ارمى هموم الدنيا ، واضحك من قلبى واغنى بعلو حسى واطلع لدنيا لسانى واقولها ضحكت عليكى وسرقت منك لحظتين حلوين
الساعة دلوقتى خمسة الفجر والمفروض انى انام لأنى هسافر بكرة المغرب وعاوز انام شوية حلوين ، وان شاء الله اشوفكوا على خير بعد ما ارجع ، وهتوحشونى بجد الكام يوم دول
امانة خلى بالكوا من المدونة وبقى شقروا عليها شوفوا يمكن محتاجة حاجة كده ولا كده ، وكل مصيف وانتوا بخير
انا رايح معشوقتى ومحبوبتى والبلد اللى قضيت فيها احلى ايام فى حياتى
انا رايح اصيف فى مرسى مطروح
السعادة دلوقتى هى الحاجة اللى ممكن اوصف بيها احساسى
انا بجهز شنطتى لأنى رايح الجنة بتاعتى عالأرض
انا راحل الى عالم النشوة
جايلك يا مطروح
جايلك انا وصحابى عشان نملاكى جرى وضحك ولعب وغنى
دى المرة التانية اللى ازور فيها مطروح مع صحابى
راجع انا وصحابى لهناك عشان نجرى ساعة الفجر ونخطط ملعب تنس على البحر وكل واحد يعمل نفسه روجيه فيدر واحنا بنلعب بمضارب ركت اساسا بس احنا عملناها تنس واى كلام يا عبد السلام
وطبعا فيه حكم واكيد هو زى اللاعيبه حافظ اسم اللعبة بالعافية ، بس ربنا بيسهل وبنلعب وواحد بيفوز مننا وما تسألوش ازاى
راجع انا وصحابى على هناك عشان نقعد فى شط الغرام على الصخرة بتاعتنا اللى هناك ونغنى محتاج لعنيك يا ليل باللهجة الفلاحى اللى بنغنى بيها الغنوة دى ، ونفضل نغنى ونضحك لحد ما الشمس تغرب ونقولها باى بااااااااااااااااااااى
راجع انا وصحابى على هناك عشان نبلبط فى البحر الساحر ، واركب على كتاف اسلام كعادتى وكل مرة بيبقى على وشك يغرق لولا ان ربنا ستار ، واغيظه واقوله انت تخرس خالص انا جايبك بمليون جنيه عشان اغرقك اساسا
راجع انا وصحابى على هناك عشان نروح عجيبة ونجيب كوبايتين شاى تمام ونطلع فوق اعلى حتة فى الصخرة والناس كلها عمالة بتتفرج عالمجانين اللى فوق اللى مليين الدنيا ضحك
جايين ليكى يا مطروح نقعد على شطك بالليل وناكل بيتزا بالجمبرى او بمعنى اصح هم ياكلوا بيتزا بالجمبرى وانا بصفتى ما باكلش جمبرى ( وما حدش يضحك بخباثة ، انا عارف مصيبتى ) فبجيب بيتزا بالفراخ ، ونألف فى اغانى انا وشريف ونلحنها ونبقى مستكنيصين اوى من اللى بنعمله
جايلك يا مطروح ارمى هموم الدنيا ، واضحك من قلبى واغنى بعلو حسى واطلع لدنيا لسانى واقولها ضحكت عليكى وسرقت منك لحظتين حلوين
الساعة دلوقتى خمسة الفجر والمفروض انى انام لأنى هسافر بكرة المغرب وعاوز انام شوية حلوين ، وان شاء الله اشوفكوا على خير بعد ما ارجع ، وهتوحشونى بجد الكام يوم دول
امانة خلى بالكوا من المدونة وبقى شقروا عليها شوفوا يمكن محتاجة حاجة كده ولا كده ، وكل مصيف وانتوا بخير
posted by استراحة محمد at 7:07 PM
10 Comments:
انا مسبوطة يا محمد انك مبسوط ربنا يجعلها رحلة سعيدة عليكم وتتمتعوا بكل لحظة انا كمان باحب مطروح جدااا وليا فيها ذكريات واصحاب واحلى صور ليا وانا هناك
المدونة فى عنينا
have so much fun
سلام
استراحه
*********
مع تمنياتى بقضاء اوقات سعيده
فلا شواطئ اجمل من شواطئ مطروح
تحياتى
ليك تاج عندي
انا عايزة اروح انا كمان :(
اية وصلة التحنيس دية
ربنا يمتعك يا رب كمان و كمان
و تفض فرحان
و تكون احلي رحلة يا رب
دمت سالم
سلامٌ عليك
هههههههههههه
انا بجد مبسوطة جدا من فكرة سرقة اللحظات الحلوة من دنيا مالهاش مزاج تدينا حاجة حلوة.......بجد ربنا يبسطك انت و صحابك و اللحظات المجنونة دى هى اللى بتفضل فى ذاكرتنا و لو الدنيا كلها عاقلة يبقى مالهاش لازمة بجد
لما ترجع بقى تحكيلنا عملت ايه
مبسوط مبسوط يا بنى وماله ربنا يزيدك انبساط بس واضح ان شمس المصيف لحست عقل من قبل ما تروحو فعلا
وان كان على المدونه ليك عليا ابقى اسيئهالك واسقى الزرع واهوى الفرش
تروح وترجع بالسلامة ربنا يسعد اوقاتك كلها
وارحم اسلام شوية هتموته فى عز شبابه غرقان يامفترى
هتوحشنا
تروح وتيجي بالسلامه ربنا يجعل كل ايامك سعاده
كفـــــــــــااارة يا ريس :)
قولت اجى اطمن على المدونة زى ما وصيتنا ومستنيين منك بوست مفصل عن الرحلة ان شاء الله تكون بتقضى وقت كويس
سلام
Post a Comment
<< Home